Popsongs your new boyfriend's too stupid to know about

Tullycraft hefur lengi þótt með björtustu vonum Bandarísku indiepopp senunnar, en þó hafa þau ekki enn náð almennri hylli virðist vera. Það breytist vonandi á næstunni þegar fimmta plata þeirra kemur út hjá Magic Marker. Platan heitir Every Scene Needs A Center og er væntanleg á götuna þann 23 október.

Sveitin var stofnuð 1995 af fyrrum meðlimum sveitanna Crayon og Wimp Factor 14. Fyrsta smáskífan frá þeim innihélt slagarann "Popsongs your new boyfriend's too stupid to know about" sem er alveg þrususkemmtilegt lag. Fyrsta breiðskífan, Old Traditions, New Standards fylgdi svo í kjölfarið, og í framhaldi af því gáfu þau út smáskífur í Japan, Bretlandi, Þýskalandi og jú Bandaríkjunum, sem og fleiri breiðskífur.

Það er synd að hróður bandsins hefur ekki farið hærra, vonandi verður breyting þar á. Lögin grípa mann undir eins og það er allt í lagi að hafa í þeim léleg gítarsóló, hallærislegar bakraddir og texta sem varla komast fyrir í laginu, maður vill bara halda partý á nóinu þegar þetta fer í gang. Hérna getið þið hlustað á nokkrar gómsætar MP3 skrár:

[MP3] Tullycraft - Popsongs your new boyfriend's too stupid to know about
[MP3] Tullycraft - Twee
[MP3] Tullycraft - Wild Bikini

Af nýju plötunni, og ég er ekki frá því að það sé svoldill Buzzcocks fílingur í þessu:

[MP3] Tullycraft - The Punks Are Writing Love Songs

[Tullycraft á Myspace]
[Fullt af lögum með Tullycraft]

Athugasemdir

[Egill Harðar (IP-tala skráð) 3.10.2007 kl. 09:21]

"Popsongs your new boyfriend's too stupid to know about" heyrði ég fyrst fyrir mörgum árum og síðan þá hef ég alltaf lagt vel við hlustir ef Tullycraft eru annars vegar. það er alveg synd og skömm að þessi sveit hafi aldrei náð til eyrna Íslendinga á almennilegan hátt því hér er frábært band á ferðinni.