[MP3] Airwaves # 26 - Half Tiger

Half Tiger er "fjögurra manna alþjóðleg kássa", eins og meðlimur sveitarinnar, Siggi Sadjei, kemst að orði í stuttu viðtali við mp3.blog.is.

Siggi og Gísli eru íslendingar, Simon Davies er breskur og Monica er frá Noregi.... "en við lítum samt á okkur sem "London" band því þar búum við öll, vinnum og gerum galdra!"

Hljómsveitin hefur starfað í 1 ár og við höfum verið að semja efni a fyrstu plötuna okkar í stúdíóinu okkar (Goodbeating) sem er staðsett i Cricklewood, í Norðvestur hluta London. Þad er mjög skrautlegt hverfi, fullt af bílaverkstæðum og litríkum karakterum, gomma af múslímum liggur á bæn í hádeginu - blindfullir Írar a trúnó og bölvandi Margaret Thatcher og nóg af Pólskum kaffistofum - sem allar bjóða uppá "soðið beikon" ...

Öll hafa meðlimir sveitarinnar komið víða við í tónlistinni áður, Gísli gaf til að mynda út sólóplötuna How about that? hjá EMI. Gísli og Simon kynntust þegar sá síðarnefndi spilaði í live bandi Gísla. Siggi Sadjei er svo Íslendingum að góðu kunnur úr Skyttunum og Fræ.

Okkur hlakkar mikið til að koma og spila á Íslandi Í fyrsta skiptið - Sy og Monica hafa aldrei farið og eru mjög spennt. Ég og Gísli höfum báðir spilað áður á Airwaves en erum ad sjálfsögðu búnir að fylla þau af alls konar sögum um fyllerí, víkinga og sjóskrímsli.

Hálf-íslenska hljómsveitin Half Tiger treður upp á Organ á föstudaginn klukkan 23.15. Ég held það sé alveg góð ástæða til að fjölmenna þangað. Hérna er smá tóndæmi, bútur úr laginu "Natalie now".

[MP3] Half Tiger - Natalie now (clip)

[Myspace]