Vér Eðlum Oss

Nýverið tókst mér að tengja gamalt segulbandstæki við tölvuna mína, og síðan hef ég verið að týna til ýmsar gersemar af gömlum spólum og yfirfæra á stafrænt form. Það fyrsta sem lítur dagsins ljós er upptaka úr einhverjum útvarpsþætti, um 1989, þar sem fram kemur hljómsveitin "Vér Eðlum Oss".

Nú veit ég ekki neitt um þessa hljómsveit, og yrði afar þakklátur ef einhver getur veitt mér upplýsingar um hana. Frómt frá sagt þá höfðar þetta lag vel til mín, sér í lagi þessi ljómandi fallegi og einfaldi bassaleikur, sem minnir mig mikið á hljómsveitina And Also The Trees, sem ég held mikið uppá. Það vantar reyndar framan á upptökuna, en á eftir henni er sveitin kynnt með nafni. Ég myndi giska á að þetta hafi verið spilað í þættinum "Neðanjarðargöngin" sem á þessum tíma átti sér dyggan en vafalaust frekar lítinn hlustendahóp.

Ef einhver þekkir til þessarar hljómsveitar, sendið mér þá upplýsingar í kommentakerfi ellegar á netfangið maggih @ mmedia.is.

MP3: Vér Eðlum Oss

Athugasemdir

[Haukur Nikulásson, 20.5.2007 kl. 13:46]

Var þetta kassettuband eða eldri spólurokkur?

[Magnús Axelsson, 20.5.2007 kl. 13:54]

Kassettuband væntanlega. Hvers eðlis er spólurokkur eiginlega?