[MP3] Íslenskt - The Pet Cemetery

Ég missti alveg af þessu fyrirbæri, Global Battle of the Bands, eða öllu heldur undankeppninni hér á klakanum. Sama hvernig ég leita þá get ég hvergi fundið út hver vann keppnina. Hinsvegar veit ég hvaða band varð í öðru sæti, og það er band sem lofar virkilega góðu, The Pet Cemetery.

Þetta hressa band var stofnað í fyrra í Fjölbrautaskóla Vesturlands en allir eru meðlimirnir frá Akranesi. Þau eru ekkert að tvínóna við hlutina og unni tónlistarkeppni skólans í fyrra með glæsibrag og tóku svo GBOB í nefið hérna heima, eða svona því sem næst.

Hljómsveitina skipa gítarleikarinn og söngvarinn Sigurmon, bassaleikkonan Bergþóra, gítar- og hljómborðsleikarinn Fjölnir, Ása á fiðlu og Pétur lemur trommurnar. 

Hérna lagið Cold Hands, bæði MP3 og myndband:

[MP3] The Pet Cemetery - Cold Hands

Pet Cemetery

[The Pet Cemetery á Myspace] 

 

Athugasemdir

[S Kristján Ingimarsson, 29.11.2008 kl. 16:29]

Ég held að það hafi verið Agent Fresco.

[Magnús Axelsson, 29.11.2008 kl. 16:37]

Jú það passar, fann það hérna:

http://www.icelandmusic.is/news/779/Agent-Fresco-win-Iceland-BOTB/default.aspx