[MP3] Sænski hjartaknúsarinn Juni Järvi

Mér finnst þessi mynd af sænska krútt popparanum Juni Järvi alveg ómótstæðileg. Það var einmitt þessi glæsilega mynd sem laðaði mig að Myspace prófíl kappans. Það kom svo í ljós að hann semur alveg þrælfínar ballöður, sem alla jafna eru ekki minn tebolli.

Juni þessi gaf út breiðskífuna Wherever Thou Art árið 2006 og spilaði þá þvers og kruss um norðurlöndin og Kanada og lag hans "The Stars above Indian Lake" varð minniháttar hittari.

Drengurinn minnir talsvert á Jens Lekman sem íslendingar ættu að þekkja ágætlega. Jens hef ég reyndar aldrei hrifist af en Juni hefur sömu hæfileika og hann til að semja grípandi lög og hefur svipaða rödd. Aukreitis hefur hann þetta skemmtilega retro yfirbragð og er mun hallærislegri en kollegi hans. Í myndbandinu við hittarann þá sýnir hann líka ákveðna Nick Cave takta, sem síðan fara úr böndunum.

Ég mæli sérstaklega með laginu "If we just want to".

[MP3] Juni Järvi - If we just want to
[MP3] Juni Järvi - The Stars above Indian Lake
[MP3] Juni Järvi - Inez
[MP3] Juni Järvi - Asleep

Myndbandið við "The Stars above Indian Lake":

 

[Juni Järvi á Myspace]