[MP3] Sharesprings

Indónesía er heimili ágætar skóglápssveitar sem ég rakst á um daginn. Það virðist nefninlega vera mjög akvív shoegaze sena þar eystra. Sharesprings heitir viðfangsefni þorláksmessu.

Þeir félagar Abdul Wahid Sabilillah, Riftyza Gestandi, Ardhi Yudho og Rusli Budianto eru undir miklum áhrifum frá góðkunningjum okkar My Bloody Valentine sem og Yo La Tengo sem ég hef aldrei gerst svo frægur að hlusta á. Eins og "early" My Bloody Valentine þá er Sharesprings nokkuð poppuð undir hávaðanum og því hefur tónlistin þeirra fengið viðurnefnin Noise Pop og Tweegaze. Bandið gaf sjálft út disk með demó lögum núna í ár og hefur fengið pláss á safndiskum af ýmsu tagi.

Þeir félagar eru ekki að brjóta nein blöð í rokksögunni, heldur er þetta bara heilbrigður skammtur af smekklega sömdum popp-hávaða. Því til sönnunar eru hér tvö lög með bandinu, sem hefur lýst yfir áhuga á að spila á Íslandi einn daginn.

[MP3] Sharesprings - Unclouded
[MP3] Sharesprings - Ceiling Blossom

[Myspace]