mp3 blogg

6.9.2008 | 13:25

R.I.P. Organ

Þá er besti litli tónleikastaður borgarinnar allur. Organ í Hafnarstræti hefur lagt upp laupana. Þetta er miður því það er enginn tónleikastaður í bænum sem kemst í hálfkvisti við Organ í gæðum, hvað varðar minni tónleika. Hvað er eftir þegar Organ er farinn?

NASA er of stórt fyrir mörg bönd, og kostar, seinast þegar ég athugaði, 180.000 kr kvöldið.

Á Grandrokk hafa ekki verið tónleikar af viti síðan staðnum var breytt í "sportbar". Ég spilaði þar nokkrum sinnum og staðurinn var alveg ljómandi fínn, utan að nær undantekningarlaust þurfti að bíða nokkrar klukkustundir eftir hljóðmanni, ef hann þá fannst á annað borð. Oft mætti hann kannski hálftíma áður en tónleikar voru auglýstir, og sándtékk var þá enn í gangi þegar fólk var að týnast inn.

Bar 11 er full lítill. Eiginlega telst hann fullur ef svona 20 manns mæta þangað. Þar er einn lítill mixer og tvö monitor box sem snúa út í salinn, en engir mónitorar fyrir böndin sjálf. Eitt sinn þegar ég spilaði þar, þá þurftum við sjálf að sækja lykil að staðnum í verslun í grenndinni, hleypa okkur inn, finna sjálf rafmagnstöfluna til að slá inn rafmagninu og hringja svona 5 sinnum í eigandann til að finna einhverjar snúrur. Sviðið er það lítið að illgerlegt er að koma þar að bandi sem telur meira en fjóra meðlimi.

Dillon. Þar hafa verið haldnir tónleikar í horninu við hliðina á innganginum. Þar er ekkert hljóðkerfi svo því þarf að redda líka. Stærðin er ekki til að hrópa húrra fyrir, flestir áhorfendur þurfa að gera sér að góðu að standa á bakvið súlu.

Gaukurinn er ekki lengur tónleikastaður.

Cafe Amsterdam varð álitlegur kostur um tíma áður en Organ opnaði. Þar er basic hljóðkerfi en enginn hljóðmaður og mixerinn átti það til að vera lánaður yfir á Dubliner og þurfti þá að leita að honum. Helmingur tónleikagesta eru yfirleitt fastagestir staðarins sem koma fyrir spilakassana.

Organ var PRO. Þetta var hugsað sem tónleikastaður frá upphafi, og þar var gott kerfi, þótt reyndar væru overhead monitorar full innarlega á sviðinu eftir að sviðið var stækkað fram. Þær hljómsveitir sem harðast rokkuðu áttu það til að reka hljóðfærin sín í þá. Hljóðmaður mætti alltaf á slaginu 5 og sándtékk átti alltaf að vera búið klukkan 7, allavegana þá daga sem ég spilaði þar, eða sá um tónleika. Það brást heldur ekki, og í stað þess að bönd þyrftu að bíða lon og don eftir hljóðmanni, þá voru það frekar böndin sjálf sem voru of sein. Tónleikar á Organ byrjuðu oftast á skikkanlegum tíma, nokkuð sem fólk á ekki að venjast og ég missti gjarnan af fyrsta bandi vegna þessa. Staðurinn virkaði í það heila rosalega vel fyrir smærri bönd. Það verður mikil eftirsjá af Organ og óskandi að borgaryfirvöld tækju í taumana og sæu til þess að þetta gangi áfram.

Hvað finnst ykkur annars? Má Organ missa sín? Hvaða aðrir staðir koma til greina? Fer ég með rangt mál um hina staðina? Þess má geta að nokkuð er um liðið síðan ég hef spilað á þeim, eitthvað kann að hafa breyst.

Ég átti það til að liggja þarna á gólfinu og taka myndir af böndum, meira af vilja en getu, og stundum hætti maður lífi og limum þegar mosh pyttur myndaðist án þess að ég tæki eftir því. Myndavélin er basic imbavél, Canon Ixus, og myndir því langt frá því sem best getur talist. Ég tók kannski samtals 700 myndir á einum tónleikum og fékk út úr því svona 20 stk sem ekki þurfti að skammast sín mikið fyrir. Hérna eru nokkrar þeirra. Blessuð sé minning Organ. Þín verður saknað.

Sá/Sú sem getur nefnt flestar sveitirnar á myndunum fær vegleg verðlaun. (Tími til að submitta er runninn út og nöfnin vera nú gefin upp!)

1. Jan Mayen

2. Singapore Sling

3. Seabear

4. Sólstafir

5. Singapore Sling

6. Mammút

7. <3 Svanhvít!

8. The Pains of Being Pure at Heart (US)

9. Dísa

10. Yunioshi (UK)

11. Bacon

12. Æla

13. Swords of Chaos

14. Kimono

15. Hjaltalín

16. Reykjavík!

17. Morðingjarnir

18. Jan Mayen

19. The Way Down

20. Bloodgroup

21. Dr. Spock

22. Elíza

23. Misery Index (US)

24. Hoffmann

25. Ultra Mega Technobandið Stefán

26. Lada Sport

Flokkur: Tónlist | Breytt 9.9.2008 kl. 15:37 | Facebook

Athugasemdir

Mér finnst það ferlega fúlt að þurfa að sjá á eftir þessum stað, það verð ég að segja.

Ég á einmitt nokkrar myndir þaðan sjálf.

Ragga (IP-tala skráð) 6.9.2008 kl. 13:30

Já þetta var komið á skemmtilegt ról, með útimarkaðnum og popp quizinu, sem ég reyndar skíttapaði alltaf í :D

Það væri gaman að sjá fleiri myndir ef þú getur pósta þeim einhversstaðar.

Magnús Axelsson, 6.9.2008 kl. 13:40

Ég tók aldrei þátt í popp quizinu því miður, var alltaf svo upptekin á markaðinum en ég man samt ekki eftir að hafa rekist á þig þarna, ég er reyndar alveg afskaplega ómannglögg.

Myndirnar sem ég á þaðan eru svona í artístílnum mínum, Fæddur í fjöri og svona.

Synd að sjá eftir þessum stað.

Ragga (IP-tala skráð) 6.9.2008 kl. 13:45

1-pass, 2-singapore sling, 3-jakobínarína, 4-sólstafir, 5-singapore sling, 6-mammút, 7-rökkurró, 8-retró stefsson, 9-pass, 10-pass, 11-pass, 12-æla, 13-pass, 14-kimono, 15-hjaltalín, 16-pass, 17-morðingjarnir, 18-jan mayen, 19-pass, 20-pass, 21-dr.spock, 22-elíza, 23-pass, 24-pass, 25-ultramegateknóbandið stefán, 26-pass,..........hvernig stóð ég mig?

hheeiiððaa (IP-tala skráð) 7.9.2008 kl. 19:00

já og 20 er náttúrulega bloodgroup, sé það núna.

Heiða (IP-tala skráð) 7.9.2008 kl. 19:05

Þetta er allavegana besta ágiskunin hingað til